SEJARAH SINGKAT GKPI RAHUTBOSI

PATUJOLO

Hombar tu pardalanan ni Gereja Kristen Protestan Indonesia (GKPI), mauliate ma di Tuhanta di taon 2014 on gok ma GKPI 50 taon mamungka sian taon 1964.

Hombar tusi dipangidohon do asa sude huria/jemaat patupahon ulaon panomunomuon tu Jubileum 50 Tahun GKPI 2014 on. Godang do na boi patupaon ni ganup huria taringot tusi. Sada sian na godang i, i ma asa dihalojahon angka huria manurathon sejarah ni huriana be. Balga do panghorhon ni i, ai laos i ma pelean panindangion di asi ni roha ni Debata di pangiringiringNa di GKPI saleleng on. Ihut tusi laos mulak poso (disegarkan) muse angka ruas na umpudi taringot tu angka naposo ni Tuhanta (parhalado manang ruas) na diloas Debata manghalojahon parjongjong ni angka huriaNa i.

Domu tusi ma umbahen disurathon SEJARAH NA JEMPEK TARINGOT GKPI RAHUTBOSI on. Jala dipatomutomu do panuraton ni sejarah on songon pelean panindangion di Minggu Pengucapan Syukur 48 Tahun GKPI Rahutbosi di ari Minggu 18 November 2012.

Las do roha manurat sejarah on ala torop do parhalado (naung purnabhakti manang na ndang dope) lumobi angka ruas na olo loja papungupungu angka dokumen, photo, kesaksian taringot tu sejarah ni GKPI Rahutbosi on.

Alai tahe ndang holan i sambing. Dihalashon roha do nang haradeon nasida marpungu patuturtuturhon huhut patomutomuhon panuratan ni sejarah na jempek on. Mauliate ma pinasahat tu nasida saluhutna.

Ihut tusi, angkup ni naung pinaboa ondeng, ia angka panguhalan ni sejarah on huhut do nang tinangkasan tu Buku Tingting, Buku Laporan Pembangunan dohot Laporan BPH Jemaat di Pesta Mameakhon Batu Ojahan Taon 1992.

Alai nang pe songon i tong do pinanghilalahon sai na adong do angka na humurang taringot tu panuratan on. Marhite i hupajolo hami hata mauliate di panganjuonta. Anggiat ma angka na humurang di bagasan panuratan on laos dalan na uli di hurianta muse laho pasingkophon panuratan tu tingki na mangihut.

Anggiat ma sejarah na jempek on manungguli huhut margogohon hita saluhut mandok mauliate tu Tuhanta Pardengganbasa i  ala pangaramotionNa di pardalanan ni hurianta di Rahutbosi on. Laos muse paposhon rohanta manghatindanghon songon hata ni raja Daud uju i, “Ale Jahowa, huhaholongi do hajongjongan ni bagasMu”  (Psalm 26:8).

Horas ma di hita saluhutna. Syalom!

November 2012, Badan Pengurus Harian Jemaat.

A. PARJONGJONG NI GKPI DI HUTA RAHUTBOSI

Di ari Minggu, tanggal 10 Oktober 1964 dipatupa HKBP Resort Gultom ma acara perpisahan tu Pdt. Frans Pandapotan Lumbantobing. Di tingki perpisahan i mandok hata ma nasida, laos tingki i ma ditariashon amang pandita i  naung parsidohot nasida saleleng on di uduran ni Pdt. DR. Andar Lumbantobing laho patotahon angka na masa di HKBP. Huhut tariluilu, hinorhon ni uli ni parsaoran dohot ruas ni HKBP Resort Gultom, didok nasida ma, “Atik boha ndang pajumpang be hita,  ai nunga hupillit dalanhu dohot mar-reformasi. Ndang huboto, ihuthononmuna ahu manang na ndang”. Umbege hata i torop ma ruas mangalusi, “Tusi hamu amang marhuria, tusi do hami marhuria!”.

      Jadi, tu minggu na mangihut ndang adong be pandita di HKBP Resort Gultom. Angka ruas na satolop di hata ni pandita tingki perpisahan i mulai ma mangarangrangi parmingguon na imbaru na margoar reformasi.

      Dung tarbortik situasi i tu Pearaja, disuru Kantor Pusat HKBP ma Pdt. Porman Pakpahan laho patureturehon angka na masa di ruas ni HKBP Resort Gultom ala ndang sude ruas i satolop tu rencana parmingguon reformasi. Alai ndang leleng pandita i di Rahutbosi ala ndang boi be ruas i dipasada sude hot di HKBP.

      Dung borhat Pdt. Porman Pakpahan mulai ma dipatupa Parmingguon Reformasi di Gereja HKBP Rahutbosi, jala laos songon i ma nang di Batu Manumpak dohot di Pansur Natolu.

      Asa laos i do umbahen na sarupa ari hatutubu ni GKPI Rahutbosi, GKPI Batu Manumpak dohot GKPI Pansur Natolu, i ma di ari pamuhai (pembukaan) Parmingguon Reformasi di tanggal 23 November 1964.

B. HASASAUT NI PARMINGGUON REFORMASI GABE GKPI

Ia angka parhobas di Parmingguon Reformasi i, i ma angka sintua naung manjalo tohonan uju di HKBP dope. Rap do nasida manghobasi niuluhon ni:

a. St. Justus Gultom (Op. Ademima), Guru Jemaat

b. St. Makdin Gultom (Op. Batu), Sekretaris Jemaat

Dung sadia leleng mardalan Parmingguon Reformasi i, di bona ni taon 1965 ro ma Pdt. Peris Pakpahan. Nasida ma pandita na parjolo ditempathon tu Parmingguon Reformasi. Laos sian nasida ma sahat panorangion taringot tu angka Parmingguon Reformasi naung mardalan saleleng on di pigapiga luat di Indonesia, nunga be sahata pajongjonghon huria na imbaru na margoar GKPI (Gereja Kristen Protestan Indonesia) na marsabungan (Kantor Pusat) di Pematangsiantar, niuluhon ni Pdt. DR. Andar Lumbantobing (Bishop) dohot Pdt. DR. Sutan Hutagalung (Sekjen).

Marhite i boi ma dohonon ia Pdt. Peris Pakpahan, nasida ma pandita ni GKPI na parjolo di GKPI Resort Gultom jala maringanan di Pastori (rumah dinas pendeta) si nuaeng. Angka huria na masuk tu GKPI Resort Gultom di tingki i, i ma:

1. GKPI Rahut Bosi

2. GKPI Batu Manumpak

3. GKPI Pansur Natolu

Mamungka sian dung penempatan ni Pdt. Peris Pakpahan digoari ma Parmingguon Reformasi na di Rahutbosi i gabe GKPI Rahutbosi. Laos songon i ma nang na di Batu Manumpak dohot Pansur Natolu. Alai, ndang sude ruas i setuju manang parsidohot gabe ruas ni GKPI Rahutbosi.  Pigapiga keluarga hot do di HKBP Rahutbosi.

C. GKPI RAHUT BOSI MAMANGKE GEREJA HKBP RAHUT BOSI (1964-1983)

Laho pahothon parjongjong ni GKPI di Rahutbosi, dipatupa ma di tanggal 15 Agustus 1965 parmingguon sekaligus peresmian ni GKPI Rahutbosi naniuluhon ni Pdt. Peris Pakpahan. Alai, hinorhon ni na so hibul Parmingguon Reformasi i bongot tu GKPI, masa do tingki i na “marsigulut” di parmingguon. Ise parjolo sahat tu parmingguon, laos i  ma parjolo marminggu. Gabe songon na hurang ma dengganna panghilalan tingki i.

Hea do di nasahali gabe bada bolon namarsigulut on, ai jabat do gabe masa na marbada di antara na dua pihak hinorhon ni partording ni angka pesta Natal di taon 1965.  I do umbahen sanga pigapiga hali parmingguon i dikawal Polisi sian Polsek Pangaribuan.

Dung sadia leleng songon i, dipasahat Polsek Pangaribuan ma na masa i tu Pengadilan Negeri Tarutung. Laos nasida ma mangaturhon partording ni parmingguon di HKBP Rahutbosi, songon dalan pasiding angka na hurang denggan tu joloan on. Di surat ni Pengadilan Negeri Tarutung i dipatota ma paboa adong dua parmingguon di gereja HKBP Rahutbosi, i ma:

a. Parmingguon na parjolo, GKPI  (jam 06.00 wib – 12.00 wib)

b. Parmingguon na paduahon, HKBP (jam 12.00 wib – 18.00 wib)

Angka parhobas na parjolo di GKPI Rahutbosi tingki i, i ma:

  1. St. Justus Gultom (Op. Ademima)

  2. St. Uluan Gultom (Op. Rouli)

  3. St. Marulam Gultom (Op. Harapan)

  4. St. Jasarip Dongoran (Op. Minartawan)

  5. St. Mangara Gultom (Op. Hotman)

  6. St. Bronsius Gultom (Op. Tiarmin)

  7. St. Marauhum Gultom (Op. Hamonangan)

  8. St. Lucius Gultom (Op. Asban)

  9. St. Lisman Gultom (Op. Radot)

10. St. Timbang Gultom (Op. Asta)

Dung mardalan pigapiga taon, di bulan Desember 1966 ditabalhon ma tolu sintua na imbaru. On ma penabalan sintua na parjolo dung adong GKPI Rahutbosi. Ia angka sintua na ditabalhon i, i ma:

1. St. Nurdin Badia Gultom (Op. Jonatan)

2. St. Abdul Panjaitan (Op. Dimpu)

3. St. Huasi Simamora (Op. Tohom).

Sataon dung i, di tanggal 31 Desember 1967, ditabalhon ma muse sia sintua, i ma:

1. St. Tenno Haika Gultom (Op. Mantap)

2. St. Tunggul Dongoran (Op. Bericho)

3. St. German Silaban (Op. Lomak)

4. St. Baligas Simatupang (Op. Halomoan)

5. St. Gaham Gultom (Op. Madura)

6. St. Muddin Dongoran (Op. Tiarma)

7. St. Kasdin Gultom (Op. Palan)

8. St. Alber Gultom (Op. Rittar)

9. St. Torang Pakpahan (Op. Nova)

Di bulan Mei 1969 sahat ma Pdt. Selamat Tua Simorangkir manggantihon Pdt. Peris Pakpahan. Nasida ma manguduti panghobasion di GKPI Resort Gultom. Saleleng nasida manghobasi ndang adong ulaon penabalan sintua, ala dipahibul nasida do panghobasion i tu na patogutoguhon panghobasion ni angka partohonan naung adong hian.

Dung pe di masa ni Pdt. A. Nainggolan di taon 1973 dipatupa ma muse ulaon i tu sada sinatua na imbaru,  i ma St. Paruntungan Gultom (Op. Lasma).

Di bulan Juli 1980 sahat ma Pdt. Aller Simanjuntak manggantihon Pdt. A. Nainggolan. Di masa ni nasida ma dirangrangi rencana laho pindah sian parmingguon di gereja HKBP Rahutbosi tu parmingguon di gereja sendiri namargoar GKPI Rahutbosi.

D. KEPENGURUSAN GKPI RAHUTBOSI (1964-1983)

Mamungka sian parjongjong ni GKPI di Rahutbosi (1964) sahat tu na pajongjonghon gedung gereja GKPI Rahutbosi (1983), nunga mardalan pigapiga kepengurusan BPH (Badan Pengurus Harian) Jemaat, i ma:

1. Perode 1964 - 1967 (di mula parjongjong ni GKPI Rahutbosi)

Guru Jemaat          : St. Justus Gultom (Op. Ademima)

Bendahara             : St. Mangara Gultom (Op. Hotman)

2. Periode 1967 - 1971

Guru Jemaat          : St. Uluan Gultom (Op. Rouli)

Sekretaris              : St. Mangara Gultom (Op. Hotman)

Bendahara             : St. Lisman Gultom (Op. Radot)

3. Periode 1971 – 1974

Guru Jemaat          : St. Uluan Gultom (Op. Rouli)

Sekretaris              : St. Mangara Gultom (Op. Hotman)

Bendahara             : St. Abdul Panjaitan (Op. Dimpu)

4. Periode 23 November 1974-1978

Guru Jemaat          : St. Tunggul Dongoran (Op. Bericho)

Sekretaris Jemaat  : St. Huasi Simamora (Op. Tohom)

Bendahara Jemaat : St. Paruntungan Gultom (Op. Lasma)

5. Periode 1978-1983

Guru Jemaat          : St. Tunggul Dongoran (Op. Bericho)

Sekretaris Jemaat  : St. Huasi Simamora (Op. Tohom)

Bendahara Jemaat : St. Paruntungan Gultom (Op. Lasma)

E.   PAJONGJONGHON GEDUNG GEREJA GKPI RAHUTBOSI

Andorang so taon 1983, hea do digagasi Op. Tumpal Nainggolan (tauke haminjon sian Onan Sabtu) asa adong pardengganan na hot di HKBP dohot GKPI di Rahutbosi, alai ndang pola sadia parbue ni gagasan i hatiha i. Dung pe di bona ni taon 1983 mulai ma dirangrangi muse taringot tusi. Hombar tusi ingoton ma angka ari na so tarhalupahon di dos ni roha ni na dua huria laho rap patupahon angka na denggan:

1. 22 Januari 1983

On ma songon pertemuan pertama nanijou (difasilitasi) Muspida, marhite amanta WR. Simanjuntak, BA (Camat Pangaribuan hatiha i). Ro do perwakilan ni HKBP dohot GKPI tu pertemuan i, i ma di bagas ni keluarga M.Th. Gultom, Kepala Desa Rahutbosi hatiha i. Hasil ni pertemuan on, i ma pasadahon roha laho patupahon parsaoran na uli di na dua huria. Angka songon dia ma siulahononhon hombar tusi, ditolopi ma muse laho patupahon pertemuan kedua songon tindak lanjutna maringanan hot di bagas ni Kepala Desa Rahutbosi.

2. 30 Januari 1983

Saut do pertemuan kedua maringanan di bagas ni Kepala Desa Rahutbosi (M.Th. Gultom). Ia hasil ni pertemuan i, on ma:

a.   Ruas ni GKPI Rahutbosi maninggalhon gereja HKBP Rahutbosi.

b.   HKBP Rahutbosi pasahathon hepeng Rp.1.000.000 (satu juta rupiah) tu GKPI Rahutbosi songon dana pajongjonghon gareja.

c.   Musda-Dinas Jawatan Kecamatan Pangaribuan pasahathon sumbangan seng 100 (seratus) lembar dohot papan 100 (seratus) lembar tu GKPI Rahutbosi.

d.   Patupahon Kebaktian Bersama songon tanda ni pardengganan.

3. 13 Pebruari 1983

Kebaktian Bersama HKBP Rahutbosi dohot GKPI Rahutbosi, rap dohot Musda-Dinas Jawatan Kecamatan Pangaribuan. Parhobas namanguluhon kebaktian, i ma Pdt. SMT. Hutagalung (Pendeta HKBP Resort Pangaribuan) dohot Pdt. V. Hasibuan (Pendeta GKPI Resort Pangaribuan). Udur do dohot angka Parende Ama sian HKBP Pangaribuan dohot GKPI Pangaribuan. Dung simpul parmingguon i laos dibahen jala ditolopi ma angka keputusan songon na tarsurat di Salinan Keputusan 13 Pebruari 1983.

4. 17 Maret 1983

Gotong royong parjolo di lokasi gereja GKPI Rahutbosi (sinuaeng) pinaborhat ni tangiang sian Pastori niuluhon ni Pendeta GKPI Resort Gultom, Pdt. A. Simanjuntak. Ia lokasi/pertapakan on sahat (dihibahkan) tu GKPI Rahutbosi sian keluarga Op. Rondang Gultom. Ukuranna 24m x 45m.  Jala angkup ni pertapakan i laos dipasahat nasida do nang 100 (seratus) lembar seng.

Ia ukuran ni gareja GKPI Rahutbosi di tingki baru dipajongjong 12m x 23,5m do. Mangihuthon ukuran i tung apala ringkot do torop gogo. I do umbahen na sai torop angka na mandohoti gotong royong mamungka sadari i.

Sude ulaon gotong royong on dipatupa marhite prinsip sukarela. Alai nang pe songon i dipadiri do sada seksi na khusus (Seksi Pembangunan) laho manjamothon jala manggogoi ulaon gotong royong pembangunan i.  Dipasahat ma ulaon ni Seksi Pembangunan on hatiha i tu amanta Op. Ademima Gultom (Ketua) dohot amanta S. Simatupang (Op. Mantap, Bendahara).

5. 17 April 1983

Dipatupa ma Ibadah Minggu huhut Peletakan Batu Pertama Gereja GKPI Rahutbosi. Laos dipatupa do sadari i Pesta Pembangunan laho papunguhon dana paujunghon pembangunan ni gedung gereja.

6. 10 Juli 1983

Ala nunga songon na singkop gedung gereja GKPI Rahutbosi, disangkapi ma laho mamungka parmingguan tu inganan i. Ditolopi ma tanggal 10 Juli on songon parmingguon panimpuli di HKBP Rahutbosi. Parjolo ma dipatupa kebaktian na jempek songon acara perpisahan di HKBP Rahutbosi, jala dung simpul acara i  mardalan ma ruas ni GKPI Rahutbosi maninggalhon HKBP Rahutbosi huhut dipaihutihut marhite soara ni giringgiring.

Dung sahat di gereja GKPI Rahutbosi, dipatupama acara khusus martangiang dohot mandok hata horashoras anggiat dame jala uli parsaoran di inganan na imbaru on.

Tording ni acara khusus i:

a. Marende sian BE 121:5

b. Martangiang (niuluhon ni Op. Harapan Gultom)

c. Mandok Hata sian Ketua Pembangunan (Op. Ademima Gultom)

d. Mandok Hata sian Penasehat (Op. Holong Gultom)

e. Mandok Hata sian Ruas (AP. Pakpahan)

7. 28 Agustus 1983

Dung mardalan pigapiga bulan parmingguon di inganan sinuaeng, laos dipatupama di tanggal 28 Agustus on Pesta Pembangunan GKPI Rahutbosi, naniuluhon ni Sekjen GKPI Pdt. RMG. Marbun, STh.

F. GKPI RAHUTBOSI MAMEAKHON BATU OJAHAN

Di ari Minggu, 23 Agustus 1992, dipatupa ma Ibadah Minggu Mameakhon Batu Ojahan ni GKPI Rahutbosi, niuluhon ni Pusat GKPI, i ma Pdt. RMG. Marbun, STh (nunga Bishop be nasida  tingki i). Di tingki Mameakhon Batu Ojahan i statistik ni jemaat GKPI Rahutbosi godangna 518 halak (97 kepala keluarga).

G.        KEPENGURUSAN GKPI RAHUTBOSI (1983-2015)

Dung jongjong gereja GKPI Rahutbosi, angka on ma kepengurusan naung manghobasi sahat tu sadari on, songon udut ni kepengurusan di tingki marminggu di HKBP Rahutbosi:

1.         Periode 1983-1988

            Guru Jemaat                : St. Tunggul Dongoran (Op. Bericho)

            Sekretaris                    : St. Huasi Simamora (Op. Tohom)

            Bendahara                   : St. Barani Gultom (Op. Renova)

2.         Periode 1988-2 Mei 1993

            Guru Jemaat                : St. Tunggul Dongoran (Op. Bericho)

            Sekretaris                    : St. Barani Gultom (Op. Renova)

            Bendahara                   : St. German Silaban (Op. Lomak)

3.         Periode 1993-1998

            Guru Jemaat                : St. Barani Gultom (Op. Renova)

            Sekretaris                    : St. Huasi Simamora (Op. Tohom)

            Bendahara                   : St. German Silaban (Op. Lomak)

4.         Periode 1998-2003

            Guru Jemaat                : St. Barani Gultom (Op. Renova)

            Sekretaris                    : St. Huasi Simamora

            Bendahara                   : Juda Gultom (Op. Menara)

5.         Periode 2003-2005

            Guru Jemaat                : St. Huasi Simamora

            Sekretaris                    : Herodes Siregar (Ama Bericho)

            Bendahara                   : Ernis Gultom (Ama Idris)

6.         Periode 2005-2010

            Guru Jemaat                : St. Manahan Gultom (Op. Kristian)

            Sekretaris                    : Herodes Siregar (Ama Bericho)

            Bendahara                   : Ernis Gultom (Ama Idris)

7.         Periode 2010-2015

            Guru Jemaat                : St. Manahan Gultom (Op. Kristian)

            Sekretaris                    : St. Herodes Siregar (Ama Bericho)

            Bendahara                   : Sumihar br. Gultom (Op. Romi)

H.  PANABALAN DOHOT PANJANGHONON NI ANGKA SINTUA

Angkup ni angka penabalan ni sintua naung parjolo i, dung adong Gereja GKPI Rahutbosi angka on ma penabalan dohot panjanghonon ni sintua naung dipatupa:

a. Panabalan taon 1985 (3 halak)

            1. St. Barani Gultom (Op. Renova)

            2. St. Amas Parlindungan Pakpahan (Op. Retta)

            3. St. Hasintongan Dongoran (Op. Lam Gompis)

b. Panjanghonon taon 1993, tu St. Alitter Gultom (Op. Ni Aston), sian GKPI Lubuk Pakam.

c. Panjanghonon taon 1996, tu St. Samudin Sormin (Op. Rajes), sian HKI Sitalitali.

d. Panabalan tanggal 25 Desember 2000 (1 halak): St. Manahan Gultom (Op. Kristian)

e. Panabalan tanggal 25 Desember 2004 (7 halak)

1. St. Herodes Siregar

2. St. Ernis Gultom

3. St. Ferdinan Gultom

4. St. Gustina br. Nainggolan

5. St. Raplan Gultom

6. St. Pikkir Tua Gultom

7. St. Tunggul Sormin

f.    Panjanghonon tanggal 7 Maret 2010, tu St. Anggas Gultom (Op. Ni Siska), sian GKPI  Duri, Pekanbaru.

g.   Panabalan tanggal 25 Desember 2011 (1 halak): St. Tiurmauli br. Pakpahan

h.   Panabalan tanggal 17 November 2013 (3 halak):

            1. St. R. Siregar

            2. St. E. Gultom

            3. St. R. Gultom.

I.    SUSUNAN MAJELIS JEMAAT PERIODE 2010-2015

A. BPH JEMAAT
Guru Jemaat	:	St. Manahan Gultom
Sekretaris	:	St. Herodes Siregar
Bendahara	:	Sumihar br. Gultom (Op. Romi)
B. SEKSI-SEKSI
Sekolah Minggu	:	St. R. Siregar
Pemuda Pemudi	:	St. G. Nainggolan
Perempuan	:	V. br. Siahaan
Pria	:	T. Dongoran
Pelayanan Rohani	:	St. Manahan Gultom
Diakoni	:	St. T. br. Pakpahan
Kesehatan	:	R. br. Sitompul
Pembangunan	:	St. R. Gultom
Nyanyian/Koor	:	St. Ernis Gultom
Penggalangan Dana	:	St. F. Gultom, St. P. Gultom
C.  PENASEHAT
1. St. Tunggul Dongoran (Op. Bericho)
2. St. Tenno Haika Gultom (Op. Mantap)
3. St. Nurdin Badia Gultom (Op. Jonatan)
4. St. M. Gultom (Op. Rimpun)
5. Sahat Simatupang (Op. Mantap)
6. St. Abdul Panjaitan (Op. Dimpu)

J.    PANDITA NAMANGHOBASI

Mamungka dung jongjong GKPI Rahutbosi, songon sabungan di GKPI Resort Gultom, angka on ma pandita naung hea manghobasi di huria on:

1	Pdt. Peris Pakpahan (+)	(Jan 1965 – Mei 1969)
2	Pdt. Selamat Tua Simorangkir (+)	(Mei 1969 – Jan 1973)
3	Pdt. A. Nainggolan (+)	(Jan 1973 – Juli 1980)
4	Pdt. Aller Simanjuntak	(Juli 1980 – Juli 1987)
5	Pdt. Jonok Pardamean Butarbutar	(Juli 1987 – Juli 2001)
6	Pdt. Marbin S.J. Lumbantobing	(Juli 2001 – Ags 2006)
7	Pdt. Amosia M.T. Sianturi	(Ags 2006 – Ags 2012)
8	Pdt. Tulus Bakti Tambunan	(Ags 2012 -  ….........)

K.    PESTA JUBILEUM 50 TAON GKPI RAHUT BOSI

Di ari Sabtu dohot Minggu, 29-30 November 2014 on disangkapi hurianta do patupahon Pesta Jubileum 50 Taon GKPI Rahutbosi songon sada ombas manghalashon naung gok 50 taon GKPI Rahutbosi.  Nian, hombar tu ari hatutubuna, tanggal 23 November do apala bohona. Alai, marningot di tanggal 23 November i toho ari Ujung Taon Parhuriaon, dipasada ma roha dohot tahi asa di tanggal 29 dohot 30 November on ma ulaon i dipatupa.  

Ia ulaon Pesta Jubileum 50 Taon GKPI Rahutbosi on disangkapi do huhut gabe dalan pabotohon tu angka na torop lumobi angka pangaranto asa anggiat nian marneang ni langka mandohoti ulaon i marhite partisipasi laho manguduti pembangunan na tongtong dope mardalan sahat tu nuaeng. Mauliate do pinasahat parjolo tu angka pangaranto naung margogo pasahathon ide manang usul na domu tu persiapan ni Pesta Jubileum 50 Taon GKPI Rahutbosi on. Sai dipasupasu Tuhanta ma angka uli ni rohanasida  songon i nang angka panumpahionna.

Domu tusi tung denggan do dihilala roha pabotohon, hombar tu Almanak GKPI taon on, sahat tu persiapan Jubileum 50 Taon on gok ma 116 keluarga ruas ni GKPI Rahutbosi.

L. PANUTUP

Sian sude na boi tinuturan songon natarsurat dison, ndang adong be na umbalga sipasahaton songon tanda las ni roha di naung sahat 50 taon GKPI Rahutbosi, asing sian mauliate di Tuhan Debata. Asi ma rohaNa, sai diparar ma huriaNa na metmet on tau hasangapon di goarNa; sadari on – sogot – sahat tu salelengna. Syalom!